Aurreko ostegunean zortea izan genuen Nerea Loiola idazlea LH3 eta LH4ko ikasleekin egon zelako. “Harri bat poltsikoan” irakurri duten liburua sinatuta izateaz gain, zituzten bitxikeria guztiez galdetu ahal izan zioten.
LORITO ETA LORITAK ELKAR EZAGUTU DUTE!
2.A gelako ikasleen maskota Lorito da. Duela gutxi konturatu ginen Larragako eskolako lehenengo mailako ikasleek bere arreba zutela eskolan eta guk bezala aste bakoitzean etxera eramaten zutela berekin jarduera ezberdinak egiteko. Gaur, bideo deia egin dugu Larragako eskolarekin eta Lorita ezagutu dugu. Oso ongi pasa dugu!
LAIA TAILERRA
LH D ereduko ikasle talde desberdinak laiekin aritu dira aste honetan zehar. Laien historia ezagutu dugu eta udaletxeko aterpean laiekin jolasean aritu gara. Mila esker berriz ere Nafarroako laiarien elkarteari! Tailerreko irudiak esteka honetan ikus ditzakezue.
Bertso saio
Atzo bertsolaritza ikastaroari agur esateko LH5 eta LH6ko ikasleek bertso saio bat antolatu zuten. Ikusle bezala LH3 eta LH4ko ikasleak egon ziren. Xabier Terrerosekin ikasturte osoan zehar lantzen egon dira bertsolaritza eta atzo inprobisatzera ere ausartu ziren. Mila esker eta hurrengo ikasturterarte.
Tipi, tapa, korrika
Gaur goizean korrika txikia egin dugu Gares I.P.-an. Giro polita izan dugu goizean zehar. Mila esker gerturatu diren familiei, udaletxeko langileei, Tortortxikikoei eta nola ez Garesko Aek-ri. Hemen dituzue ikusgai argazkiak.
Korrika
Kaixo familiak: Korrika dela eta, eskolako ikasleek egindako bideo hau uzten dizuegu.
